उस्मानाबाद जिल्ह्यातील तरुणीचे अपहरण

उस्मानाबाद - एका खेडेगातील एक युवती (नाव- गाव गोपनीय) दि. 04.10.2020 रोजी मध्यरात्री आईसह शौचास बाहेर गेली होती. यावेळी गावातील युवकांनी त्य...

उस्मानाबाद - एका खेडेगातील एक युवती (नाव- गाव गोपनीय) दि. 04.10.2020 रोजी मध्यरात्री आईसह शौचास बाहेर गेली होती. यावेळी गावातील युवकांनी त्या युवतीस एका वाहनात जबरदस्तीने बसवून नेले. यावर तीच्या माता- पित्याने तीचा परिसरात शोध घेतला परंतु काही उपयुक्त माहिती मिळुन आली नाही. अशा मजकुराच्या अपहृत युवतीच्या आईने आज दि. 26.11.2020 रोजी दिलेल्या प्रथम खबरेवरुन भा.दं.सं. कलम- 363, 34 अन्वये गुन्हा नोंदवला आहे.

हाणामारीचे दोन गुन्हे 

तुळजापूर: तिर्थ (बु.), ता. तुळजापूर येथील रुपाली व रणजीत सगट हे दोघे पती- पत्नी दि. 31.10.2020 रोजी 21.00 वा. सु. आपल्या घरासमोर थांबले होते. यावेळी पुर्वीच्या भांडणाच्या कारणावरुन भाऊबंद- पोपट कोंडीबा सगट, किशोर सगट, कोंडीबा सगट, संपदा सगट यांनी रुपाली व रणजीत यांना शिवीगाळ करुन लाथाबुक्क्यांनी, काठीने मारहाण करुन ठार मारण्याची धमकी दिली. तसेच रुपाली यांच्या घरासमोरील पाण्याचा नळ तोडून नुकसान केले. अशा मजकुराच्या रुपाली सगट यांनी वैद्यकीय उपचारादरम्या दिलेल्या लेखी निवेदनावरुन काल दि. 25.11.2020 रोजी पो.ठा. तुळजापूर येथे भा.दं.सं. कलम- 324, 427, 323, 504, 506, 34 अन्वये गुन्हा नोंदवला आहे.

 नळदुर्ग: मैनोद्दीन हाफीजोद्दीन मुजावर व रसुल खाजोद्दीन मुजावर, दोघे रा. काटगांव, ता. तुळजापूर हे दि. 25.11.2020 रोजी 16.30 वा. सु. गावातील आपल्या टेलर दुकानात होते. यावेळी पुर्वीच्या भांडणाच्या कारणावरुन गावकरी- सचिन लक्ष्मण हुकीरे व संकेत रेवन खोबरे यांनी मुजावर यांच्या दुकानासमार येउन मैनोद्दीन व रसुल यांना शिवीगाळ करुन लाथाबुक्क्यांनी, दगडाने मारहाण करुन गंभीर जखमी केले. तसेच जिवे ठार मारण्याची धमकी दिली. अशा मजकुराच्या मैनोद्दीन मुजावर यांनी आज दि. 26.11.2020 रोजी दिलेल्या प्रथम खबरेवरुन भा.दं.सं. कलम- 326, 323, 504, 506, 34 अन्वये गुन्हा नोंदवला आहे.